Një aksident me plagosjen e dy personave u regjistrua paraditen e kësaj të premteje në aksin rrugor Lezhë – Milot.
Aksidenti ndodhi në afërsi të kryqëzimit të Shënkollit, ku dy automjete u përplasën me njëri-tjetrin.
Nga goditja mbetën të plagosur dy pasagjerë të cilët ndodheshin në njërin prej automjeteve.
Ata u transportuan me urgjencë për në spitalin e Traumës në Tiranë.
Shkak i aksidentit dyshohet të ketë qenë shpejtësia e lartë me të cilën drejtuesit lëvizinin.