Presidenti i SHBA Donald Trump ka njoftuar se mund të anulojë takimin me presidentin rus Vladimir Putin pas përplasjes detare midis Rusisë dhe Ukrainës.
Sipas BBC, Trump tha për Washington Post se ai ishte duke pritur për një “raport të plotë” pas incidentit ku anijet ruse gjuajtën dhe sekuestruan tre anije ukrainase të dielën.
Të dy udhëheqësit do të takohen në periferi të samitit të G20 në Buenos Aires këtë javë.
Ndërkohë, SHBA i ka kërkuar shteteve evropiane të bëjnë më shumë për të mbështetur Ukrainën.
Zëdhënësja e departamentit të shtetit Heather Nauert tha se Washingtoni donte të shihte zbatim më të ashpër të sanksioneve kundër Rusisë./BBC
