Ministri i Brendshëm, Sandër Lleshaj ka vizituar mbrëmjen e të dielës në Spitalin e Traumës efektivët e plagosur gjatë protestës.
Por gjatë deklaratës për media të ministrit Lleshaj është regjistruar një rast I paprecedentë.
Ish-deputeti demokrat, Bardh Spahia I cili po ashtu ishte në Spital, ka ndërhyrë disa herë duke hedhur akuza gjatë kohës që ministri fliste.
Debati i Plotë:
DEBATI NË KORRIDORIN E SPITALIT
Bardh Spahia: Vjen në spital me një tabor…
Sandër Lleshaj: Me çfarë statusi jeni ju këtu?
Bardh Spahia: Jemi me statusin e përfaqësuesve të opozitës, të vërtetës jo të atyre që keni bërë ju…
Sandër Lleshaj: Se kuptoj se çfarë statusi keni ju
Bardh Spahia: Kur u bane ti ministër, imagjino çfarë statusi duhet…me mua flet ti ashtu? Të shkon mendja? Mbaj përgjegjësi aty për dëmtimet e policëve dhe qytetarëve
Lleshaj largohet
Gazment Bardhi: Të përcjellin avokatët e tu… e keni të afërt fundin. Çfarë është kjo, edhe serbët nuk sillen kështu, shikoni çfarë i keni bërë qytetarëve, shko vizitoji, shko vizitoji…
Lleshaj kthehet sërish: Kush iu ka bërë qytetarëve?! Unë iu jap dorën edhe qytetarëve edhe policëve mor i pafytyrë!
DEBATI NE DEREN E NJE PREJ DHOMAVE KU JANE SHTRUAR POLICET
Bardh Spahia: Për fajin tuaj policët bëhen ashtu. S’të vjen turp i nxjerr pa mbrojte dhe tani bën sikur prekesh
Sandër Lleshaj: Hajde ndihmoji…
Bardh Spahia: S’të vjen turp, duhet të dalin të mbrojtur këto para turmave, vjen tani e bën shoë këtu. Shko shifi plagët e njerëzve e ke mbushur spitalin em policië
DEBATI PASI DEL LLESHAJ NGA SPITALI
Bardh Spahia: Ministri ka mbushur spitalin me civila dhe largon me forcë mjekët, ish-deputetë të opozitës. Ky është pushteti sot, ditët i kanë të numëruara
Lleshaj flet për mediat ndërkohë që bardhi akuzon pas shpinës së tij.
