Katër të arrestuarit për përplasjen me armë zjarri në pedonalen e Shkodrës kanë mbërritur në Gjykatën e Shkodrës për t’u njohur me masën e sigurisë. Të rinjtë akuzohen për veprat penale: “Vrasje në rrethana të tjera cilësuese”, “Plagosje e lehtë me dashje” dhe “Armëmbajtje pa leje”.
Personat e arrestuar identifikohen si Liridon Lushi, Arxhend Rexha, Ension Buraku dhe Riad Xheladini.
Si rezultat i shkëmbimit të zjarrit, ngjarje e ndodhur më 5 shkurt, mbeti e lënduar edhe një kalimtare, 35 vjeçe.
Motivi i përplasjes është një konflikt i hershëm mes të rinjve. Ata dëshmuan përpara oficerit të policisë gjyqësore se konflikti ka nisur në Gjermani dhe është shtrirë më pas në Shqipëri.
