Policia e Durrësit ka kapur disa orë më pas, shoferin që përplasi një të mitur dhe u largua nga vendi i ngjarjes.
Aksidenti ndodhi mëngjesin e kësaj diele në lagjen 15 në qytetin bregdetar.
E Mitura është dërguar në spital dhe ndodhet nën kujdesin e mjekëve.
Durrës/Informacion shtesë
Në vijim të informacionit paraprak për aksidentin e ndodhur më datë 12.02.2023, rreth orës 10:50, në lagjen nr.15, Durrës, ku një automjet i paidentifikuar aksidentoi shtetasen D. D., 13 vjeçe, e cila ndodhet në spital, nën kujdesin e mjekëve, ju njoftojmë se:
Shërbimet e Policisë Durrës, pas marrjes së njoftimit, kanë organizuar punën dhe falë veprimeve të shpejta profesionale, kanë bërë të mundur identifikimin dhe bllokimin e automjetit tip “Benz” dhe shoqërimin në ambientet e Drejtorisë Vendore të Policisë Durrës, të shtetasit S. P., 56 vjeç, për kryerjen e veprimeve të mëtejshme.
