Përplasi për vdekje këmbësorin, vihet në pranga adoleshenti në Durrës

Policia ka vënë në pranga një 19-vjeçar, i cili shkaktoi një aksident me vdekje në lagjen nr. 17, në Durrës. I riu përplasi një këmbësor, 50-vjeçar, teksa udhëtonte me automjetin e tij tip “Benz”. 50 vjeçari u dërgua në spital, por nuk ka mundur t’u mbijetojë plagëve të marra si pasojë e përplasjes.

I riu akuzohet për veprën penale “Shkelja e rregullave të qarkullimit rrugor”, me pasojë vdekjen e një personi. Materialet procedurale i kaluan Prokurorisë së Durrësit për veprime të mëtejshme.