TIRANË– Një 46-vjeçare humbi jetën ditën e djeshme si pasojë e një aksidenti të rëndë të ndodhur në rrugën “Nënë Tereza”, në Kamëz.
Policia ka arrestuar shoferin 21-vjeçar, i cili dyshohet se ka shkaktuar aksidentin.
Siç njofton policia, në pranga ka rënë 21-vjeçari B.K, banues në Tiranë.
Ditën e djeshme, në bulevardin “Nënë Tereza”, Kamëz, duke drejtuar mjetin tip “Benz”, ka aksidentuar këmbësoret, shtetaset F. M., dhe Xh. M., dhe më pas, si pasojë e përplasjes ka goditur mjetin me drejtues shtetasin E. K., 23 vjeç.
Shtetasja F. M., ka ndërruar jetë në spital, ndërsa shtetasja Xh. M., dy drejtuesit e mjeteve dhe pasagjeri i njërit prej tyre, ndodhen jashtë rrezikut për jetën.
/vizionplus.tv
