Ka shkuar ne 10 numri i viktimave te aksidentit tragjik qe tronditi landin e Bavarisë në Gjermani, kur dy trena pasagjerësh u përplasen me njëri tjetrin. Te paktën 108 persona mbetet te plagosur dhe disa prej tyre ndodhen ne gjendje kritike per jetën. Përplasja 60 km ne juglindje te Mynihut solli daljen e trenave nga shinat. grupet e evakuimit, helikopterë e ambulanca nxituan ne vendin e ngjarjes, ku per ore te tera u angazhuan ne nxjerrjen e viktimave dhe te lënduarve per shkak edhe te terrenit te vështire. Aksidenti ndodhi rreth orës 07.00 te mëngjesit, kur shume te punësuar përdorin trenin per te shkuar ne pune, por fatmirësisht ne to nuk kishte nxënës shkolle, pasi jane me pushime per shkak te festimeve te karnavaleve. Mes viktimave jane edhe dy makinistet e trenave. Kancelarja gjermane Merkel shprehu keqardhjen per ngjarjen e rende. ende nuk dihen shkaqet e këtij aksidenti, por me gjetjen e kutive te zeza pritet te hidhet me shume drite rreth tij.
