Përplasen makinat, 7 të plagosur/ Automjetet aksidentohen në aksin Burrel-Klos

Dy automjete u përplasën paraditen e kësaj të premteje në aksin rrugor Burrel-Klos. Ngjarja ndodhi në vendin e quajtur “Shkëmbi i Kuq” në fshatin Suç.

Një automjet tip “Benz” që lëvizte në drejtim të Klosit u përplas me makinën tip “Pezho” që po udhëtonte drejt Burrelit. Goditja mes tyre ishte shumë e fortë, por fatmirësisht pa viktima.

Si pasojë morën lëndime dy shoferët dhe pesë pasagjerë, katër prej të cilëve u dërguan drejt spitalit për ndihmë mjekësore.

Besohet se aksidenti erdhi si pasojë e lagështisë në rrugë dhe shpejtësisë.