Përplasen dy makina, plagosen tre persona në Berat

Një aksident me tre të plagosur ka ndodhur këtë të enjtje në në fshatin Kutall, në rrugën Ura Vajgurore- Fier.

Informacionet paraprake bëjnë me dije se automjeti tip “Benz”, me drejtues  A.M, 61 vjeç , është përplasur me mjetin tip “Citroen”, me drejtues F.Ç, 44 vjeç. Si pasojë e përplasjes mësohet se janë plagosur dy drejtuesit e mjeteve dhe pasagjerja me inicialet  H.M, 61 vjeçe.

Të plagosurit janë tranportuar menjëherë në Spitalin Rajonal Berat, ku fatmirësisht ndodhen jashtë rrezikut për jetën.