Diplomacia botërore do te beje nje tjetër përpjekje per rinisjen e bisedimeve te paqes për Sirinë, gjate nje takimi qe mbahet ketë te enjte ne Mynih. Sekretari amerikan i Shtetit John Kerry mbërriti ne qytetin gjerman, ku te pranishëm jane gjithashtu ministrat e Jashtëm te Rusisë dhe 17 vendeve te grupit te kontaktit per Sirinë. Takimi zhvillohet ne një situate dramatike, kur ne qytetin e Alepos si pasoje e bombardimeve ruse janë zhvendosur 50 mije njerëz. Synimi i takimit është arritja e nje armepushimi për t’i hapur rruge shpërndarjes se ndihmave humanitare. Moska ka propozuar 1 marsin si date per armëpushimin, ndërsa është akuzuar nga SHBA, se nga lëshimi i bombave kane gjetur vdekjen shume civile. Por zedhenesja e ministrisë se Jashtme ruse Zakharova i cilësoi spekulime dhe te papranueshme akuzat per vrasjen e civileve. Nje tjetër apel per ndaljen e bombardimeve përsëriti Këshilli i Sigurimit i OKB-se. Qe nga nisja e ofensivës ne fillim te shkurtit ne Alepo kane gjetur vdekjen 500 persona. Luftimet çuan ne dështimin e bisedimeve te paqes ne Gjeneve. Sipas Kryqit te Kuq situata është përkeqësuar dhe furnizimi me ujë është ndërprere. Qeveria siriane, e mbështetur nga forcat ajrore ruse, ditët e fundit ka bërë përpjekje për rimarrjen e zonave, që kontrollohen nga rebelët. Ndërkohe, Turqia është nën presion për ta lejuar hyrjen e rreth 30 mijë refugjatëve sirianë që kane mbetur te bllokuar në kufirin e saj.
