Policia e Tiranës ka arrestuar një 27-vjeçar për veprat penale “Falsifikimi kompjuterik” dhe “Përndjekja”. Në pranga përfundoi i riu me iniciale I.P. Ai ka kërcënuar në mënyrë të vazhdueshme një shtetase në qytetin e Tiranës, me të cilën ka realizuar dhe një takim, duke u prezantuar me të dhëna të rreme.
Ai kishte hapur 13 profile me të dhëna të rreme, nëpërmjet të cilave janë kryer dhe veprimet kriminale.
Gjatë kontrollit fizik në banesën e 27-vjeçarit, atij i është gjetur një telefon celular i markës iPhone.
Ndërkohë, po punohet për zbardhjen e plotë të këtij aktiviteti kriminal.
