Një problem që ndikon drejtpërdrejt në zemër është qarkullimi i keq i gjakut. Në këtë rast është shumë e rëndësishme dieta ushqimore për të përmirësuar qarkullimin e gjakut.
Ja disa nga erëzat që ndikojnë në përmirësimin e qarkullimit të gjakut dhe shmangien e problemeve të ndryshme me zemrën.
Kakao – Ekstraktet e kakaos janë shumë të mira në përmirësimin e niveleve të tensionit të gjakut në trup. Kakaoja është një burim i mirë i magnezit, i cili zvogëlon efektet e stresit në trup.
Ajo është e pasur gjithashtu me antioksidues që eliminojnë radikalet e lira. Kakao ofron mbrojtje edhe nga sëmundje të ndryshme kardiovaskulare.
Piperi i kuq – është një tjetër erëz që siguron qarkullim të mjaftueshëm të gjakut dhe mban zemrën të shëndetshme. Heqja e pllakëzës bakteriale nga arteriet, heqja e toksinave nga trupi dhe zhvillimi i qelizave të gjakut janë disa nga përfitimet kryesore të kësaj erëze. Ajo ndihmon me zbërthimin e ushqimit dhe tretjen.
Hudhra – Mendohet që egjiptianët kishin qindra mënyra të përdorimit të hudhrës nga ana mjekësore. Kjo erëz mban nën kontroll kolesterolin e keq, si dhe parandalon infeksione të ndryshme. Studime të ndryshme kanë treguar se hudhra parandalon edhe grumbullimin e trombociteve.
