Përmbytjet në qarkun e Elbasanit

Reshjet e shiut qe kane përfshire gjate orëve te fundit te gjithë vendin, kane sjelle jo pak probleme edhe ne qarkun e Elbasanit, veçanërisht ne zonat rurale. Në mjaft fshatra, përrenjtë kanë dalë nga shtrati si pasojë e prurjeve të mëdha e për pasojë, kanë përmbytur tokë bujqësore, të mbjellat e stinës, shtëpi banimi dhe kane marre me vete kafshe e shpendë shtëpiake. Banorët e fshatit Labinot Fushë ndjehen të pasigurt për orët që vijnë kur parashikohet qe edhe intensiteti i reshjeve te rritet. Gëzim Meta thotë se depërtimi i uji i ka shkaktuar ngordhjen e shpendëve. Nga ana tjetër, banoret fajësojnë disa familjet te fshatit, të cilat hedhin mbetjet në kanalet kulluese duke shkaktuar bllokimin e tyre. Sa i përket akseve rrugore, problemi i përhershëm mbetet ai Elbasan-Librazhd në vendin e quajtur “Kthesat e Murrashit” ku punëtorë të mirëmbajtjes dhe një fadromë punojnë për të mbajtur të hapur rrugen.
Sipas Shtabit të Emergjencës në këtë prefekturë, situata paraqitet e rënduar, por ende nuk behet fjale per familje qe mund te jene ne rrezik.