Reshjet e dendura të shiut kanë shkaktuar sërisht përmbytje në disa rrugë dhe kryqëzime në qytetin e Durrësit.
Reshjet nisën me intensitet të lartë gjatë natës dhe menjëherë uji ka mbuluar akset rrugore në shëtitoren Taulantia, kryqëzimin e stadiumit, si dhe në lagjen 17 të qytetit.
Në disa prej këtyre rrugëve niveli i ujit u rrit me disa centimetra, madje deri sipër trotuareve. Brenda kësaj jave rrugë të shumta janë përmbytur për herë të dytë, pasi niveli i reshjeve ka qenë mjaft i lartë.
Pas ndalimit të reshjeve, punonjës të kanalizimeve kanë dalë në terren për menaxhimin e situatës.