Reshjet e shumta gjatë natës shkaktuan përmbytje në Durrës. Ish-deputeti i PD, Oerd Bylykbashi publikoi në “Facebook” një video që tregon rrugët e përmbytura.
Më tej, ai përcjell një mesazh politik, duke deklaruar se këto ditë dhe gjithçka ka bërë qeverisja socialiste nuk do të harrohen nga durrsakët.
“Ajo që mbetet është lumi i baltës që mbulon prej vitesh rrugët e Durrësit sa herë bie shi. Durrsakët do t’i kujtojnë me neveri “punën” dhe “veprat” e Partisë Socialiste në 20 vite qeverisje të qytetit, nga tetori i vitit 2000 deri më sot. Nuk kanë si t’i harrojnë vrragat që barbaria e periudhës së Dakos la në fytyrën e qytetit. Por durrsakët nuk do ta harrojnë që Dakon dhe ata që e pasojnë si kukulla i ka vënë me dorën e tij pikërisht Edi Rama. Më 25 prill 2021 durrsakët do t’i bëjnë “respektet” e fundit me votë kryehajdutit që qeveris vendin dhe bandës së tij që grabit Durrësin.”
