Përleshen emigrantët në Pire

Qindra emigrante qe strehohen ne portin e Pireut ne Greqi u përfshinë ne nje përleshje masive mbrëmjen e se mërkurës, ku tete prej tyre mbeten te plagosur.
Grindja qe degjeneroi ne përdorimin e gurëve dhe te thikave ndodhi mes dy grupeve refugjatesh afgane dhe siriane, pas ngacmimit te nje gruaje afgane nga nje sirian. Disa prej te plagosurve me dëmtime me te renda u transportuan ne spital per te marre ndihme mjekësore. Me ndërhyrjen e policisë situata u qetësua. Ne portin e Pireut gjenden mbi 5 mije emigrante nga Siria, Afganistani dhe Irani dhe nga mëngjesi i kesaj te enjteje ka nisur transferimi i nje pjese te tyre drejt qendrave te tjera. Te dëshpëruar per situatën e pashprese ne te cilën gjenden, me herët rreth 2 mje emigrante dolën ne rrugët e Athinës per te kërkuar hapjen e kufijve.
“Ne nuk duam asgjë nga qeveria greke. Ata kane probleme me ekonominë. Por ne u kërkojmë vendeve te mëdha te hapin kufijtë. Ne nuk duam para por nje vend te sigurte”.
Sipas marrëveshjes se arritur mes BE dhe Turqisë, nga 4 prilli per çdo sirian te kthyer ne Turqi nga Greqia, nje tjetër sirian qe gjendet ne kete shtet do te strehohet ne Europe. Por emigrantet kundërshtojnë zbatimin e marrëveshjes, pasi ne kete mënyre do te humbisnin çdo mundësi per te vijuar udhëtimin drejt Evropës.