Familja dhe miqtë e ish-presidentit te republikës Bujar Nishani kanë zgjedhur ditën e lindjes se tij për te nderuar kujtimin e njeriut dhe politikanit qe u nda nga jeta pak muaj me pare ne moshën 55-vjeçare.
ERSI NISHANI
DJALI I BUJAR NISHANIT
“Katër muaj më parë unë humba njeriun me të cilin mund të ndaja çdo mendim pa doreza, Fiona humbi njeriun që i dhuronte dashurinë më të sinqertë. Mamaja jonë humbi njeriun e jetës. Jam i sigurt që secili sonte në këtë sallë ka humbur diçka nga largimi i Bujar Nishanit”
Secili prej miqve e bashkëpunëtoreve te ish-presidentit zgjodhi te rrëfente lidhjen e tij me bujar nishanin
SALI BERISHA
KRYETAR I PD
“Njeriu, cilido mbart në vetvete në njërën anë vdekatarin, në anën tjetër të pavdekshmin. Ndaj dhe ne sot jemi këtu për tu krenuar me trashëgimninë e pavdekshme të prindit, qytetarit, djalit, bashkëshortit, zyrtarit, shtetarit, ministrit, presidenti dhe mikut Bujar Nishani.”
Berisha si kryetar i PD dhe si kryeministër ka bashkëpunuar gjatë me Bujar Nishanin duke e vlerësuar si një prej ministrave me te mire e si një prej përfaqësuesve me dinjitoze te Shqipërisë ne detyrën e kryetari te shtetit.
“Ndaj duke u përulur me nderimin më të madh, shpreh mirënjohje dhe e konsideroj veten të bekuar që pata një bashkëpunëtor si Bujar Nishani.”
Bujar Nishani u nda nga jeta pak muaj me pare si pasoje e një sëmundje te rende. Ai ka qene disa here ministër ne qeverinë Berisha dhe prej vitit 2012 deri ne vitin 2017 ka mbajtur detyrën e presidentit te republikës.
