Është përkujtuar në Akademinë e Shkencave kompozitori i baletit të parë shqiptar, Tish Daija. Në 90-vjetorin e lindjes së artistit që krijoi muzikën e shfaqjes “Halili dhe Hajria”, e vendosur më shumë se 250 herë në skenën e Teatrit të Operas dhe Baletit, akademikët kanë zgjedhur që ta nderojnë me artin e tij. Vetëm pak ditë më parë, me propozimin e kësaj akademie, presidenti i Republikës Bujar Nishani e ka vlerësuar, pedagogun, drejtuesin dhe kompozitorin Tish Daija me dekoratën “nderi i kombit”.
