Përjashtimi i Berishës nga grupi parlamentar/ Kadilli: Partia humbi liderin dhe ish-liderin
Fatbardh Kadilli e cilësoi përjashtimin e Sali Berishës nga grupi parlamentar një “vendim prej skuthi të Bashës”.
Me anë të një postimi në Facebook, Kadilli thotë se PD humbi liderin dhe ish-liderin, ndërsa të dy, Bashën dhe Berishën, i cilëson si njerëz fals, pa moral e parime, ndërsa shtoi se vendimi i Bashës ishte i bazuar në llogari, për të mbajtur karrigen e kryetarit, jo për të ardhmen e PD.
Reagimi i plotë:
Fundi i KryetaroKracise
PD-ja humbi edhe liderin, edhe ish-liderin.
Në PD ndodhi një “atvrasje” dhe një “vetëvrasje”. Të dyja janë fallco. Pa thelb moral. Pa parime.
Demokracia nuk fitoi asgjë. Opozota nuk fitoi asgjë.
Me dakordësi, apo pa dakordësi mes tyre, kryetari dhe ish kryetari, na dhanë provën se si nuk funksionon partia, por funksionojnë llogaritë e atyre që kanë vulën e partisë dhe listën e anëtarësisë.
Vendimi prej skuthi, në çastet e fundit, i Bashës është bazuar mbi llogari, jo mbi parime.
Vendimi është i llogaritur. Ky vendim bëhet për të shpëtuar karrieren e kryetarit, por jo të ardhmen e PD.
Nga ky vendim del vetem një mësim:
NJERËZ MOS QËNDRONI SPEKTATORE!
Nuk mund të jenë disa individë që vendosin për ne. Nuk mundet që fatet e opozitës të varen nga llogaritë e disa individëve.
Nuk na duhen Vendime që na vijnë si Urdhëra. Nuk zgjidhin asgjë Vendime që vijnë si Llogari e dikujt tjetër. Vendimet na takojnë ne. Të gjithëve.
NJERËZ TË FITOJMË SOVRANITETIN!
TË VENDOSIM VETË!
Na duhet një politikë e re, Një opozitë e re, që ta krijojmë vetë.
