Ministri i Mbrojtjes Boris Pistorius siguroi së fundmi se sistemet gjermane të komunikimit nuk u shkelën, duke iu referuar rastit të përgjimit rus të bisedave të oficerëve gjermanë dhe ia atribuoi rrjedhjen “gabimit individual të aplikimit” nga një prej pjesëmarrësve në bisedë, i cili, tha ai, nuk ishte në përputhje me rregulloret.
“Jo të gjithë pjesëmarrësit e ndoqën procedurën e sigurt të thirrjes. Sipas informacionit të deritanishëm, rrjedhja e të dhënave u bë e mundur nga oficeri që lidhej me Webex nga një hotel në Singapor, nga një linjë e pasigurt”, tha ai.
Sipas gazetës BILD, është oficeri Frank Grefe, i cili po vizitonte “Singapore Airshow”. Siç deklaroi ministrja e Mbrojtjes, “ka qenë një gabim, një gabim i rëndë” dhe ndaj oficerit në fjalë tashmë ka nisur hetimi disiplinor.
Asnjë spiun rus nuk është përfshirë në bisedë, sqaroi edhe ministri. Pistorius pohoi gjithashtu se pasojat e gabimit ishin të menaxhueshme, ndërsa theksoi se ai nuk dëshironte të minimizonte incidentin.
I pyetur nëse partnerët e Gjermanisë po shprehnin mosbesim për incidentin, Boris Pistorius tha se në komunikimet e tij të deritanishme nuk kishte vërejtur “asnjë acarim” dhe shprehu besimin se besimi i partnerëve dhe aleatëve në Gjermani mbetet. Ai gjithashtu theksoi vazhdimisht se do të bëhen të gjitha përpjekjet e mundshme që kjo të mos ndodhë përsëri dhe, duke iu referuar Moskës, tha se vazhdimisht po bën përpjekje për të dëmtuar kohezionin e shoqërisë gjermane dhe asaj evropiane. /vizionplus.tv
