Ambasada Amerikane në Tiranë inkurajon të gjithë ata qytetare që kanë aplikuar për Lotarinë Amerikane dhe kanë rezultuar fitues në fazën e parë që të aplikojnë më shpejt për formularin për Vizë DS-260.
Rezultatet e programit të Lotarisë së Vizave DV-2021 janë tashmë online. Ju mund të kontrolloni statusin e aplikimit tuaj nëpërmjet Kontrollit të Statusit të Aplikantit në faqen e internetit të Lotarisë në: https://dvlottery.state.gov/ duke përdorur numrin tuaj unik të konfirmimit. Kjo është mënyra e vetme për të kontrolluar nëse aplikimi juaj është përzgjedhur. Nëse aplikimi juaj është përzgjedhur, ju do të drejtoheni në një faqe konfirmimi, e cila do t’ju japë udhëzime të mëtejshme, përfshirë informacionin mbi tarifat lidhur me emigrimin në Shtetet e Bashkuara. Nëse jeni përzgjedhur, ju nxisim të plotësoni sa më shpejt formularin për vizë DS-260.
Mijëra shqiptarë aplikojnë cdo vit për Lotarinë Amerikane me shpresën se do të jenë të përzgjedhur për të ndjekur ëndërrën amerikane për të jetuar dhe punuar në një nga vendet më të lakmuara në botë.
