Edhe pse kanë nisur pushimet e dimrit, në shkollën Ibrahim Kodra në Durrës disa nxënës vijojnë të zhvillojnë mësim. Ata po përgatiten me kurse të avancuara në lëndën e matematikës.
Ledio Deda, ish-nxënës ekselent i kësaj shkolle, tashmë student i matematikës në universitetin e Shën Peterburgut në Rusi, është rikthyer dhe po i ndihmon këta të rinj që të rrisin aftësitë e tyre në këtë shkencë ekzakte.
Ledio shprehet se për të është një nder, që rikthehet në shkollën e cila i ka dhënë shumë e tashmë ai ka dëshirë që këtë investim ta kthejë mbrapsht.
LEDIO DEDA – STUDENT I MATEMATIKES
Nje pergatitje shtese. Ceshtja eshte qe kjo vlen jo vetem ne fushen e matematiken. Por te perballen me problemet dhe te kuptojne si ti zgjidhin problemet me te cilat perballen.
Për drejtorin e shkollës, Jashar Arrza, veprimi i Ledios është shumë domethënës, ndërsa thekson se përgatitja shkencore e të rinjve mbetet prioritet për stafin.
JASHAR ARRZA
DREJTOR I SHKOLLES “IBRAHIM KODRA”
Cdo materie ka lenden e vete. Por kohrt qe vijne, shkencat marrin prioritet. Fakti qe te ndihmojme nxenesit qe kane talent ka qene politike e shkolles. Kemi cuar ne olimpiade kombetare 30-35% te gjithe nxenesve. Sivjet ne fizike Durresi coi ne olimpiade 11 nxenes, nga keto 7 jane nga shkolla jone. Kjo eshte areitje. Pastaj pse e bejme? Kjo eshte detyre e shkolles.
Në konsultime janë përzgjedhur 25 nxënësit më të mirë të cilët po përgatiten për olimpiadën kombëtare dhe ato ndërkombëtare.