Përfundon pas tre orësh takimi Greqi-Turqi

Përfundon takimi midis Greqisë dhe Turqisë që u zhvillua në Stamboll. Biseda zgjati rreth tre orë – nga 11:00 në 14:00.

Delegacioni grek, i udhëhequr nga ambasadori Pavlos Apostolidis, pritet të largohet nga Turqia rreth orës 15:00, për t’u kthyer në Athinë.

Midis delegacioneve diplomatike greke dhe turke, raportohet se secila palë paraqiti versionin e vet të çështjeve, që sipas tyre, duhet të përfshihen në axhendën e bisedimeve.

60 raundet e para nuk sollën zgjidhje. Diplomatët thonë se rindërtimi i besimit do të jetë i vështirë, edhe pse bisedimet vijnë pas vendimit të Turqisë për të ndalur kërkimet e saj për gaz në ujërat e diskutueshme.