Përfundon pa marrëveshje takimi Kurti-Mustafa

Ka përfunduar sërish pa marrëveshje takimi i liderit të LVV-së, Albin Kurti dhe atij LDK-së, Isa Mustafa.

Informacionet bëjnë me dije se në kuadër të bisedimeve për një  marrëveshje për bashkëqeverisje, pritet që lidëret të takohen sërish të mërkurën.

Marrëveshja nuk është arritur as pas gati tre muajve bisedime, edhe pse të dy subjektet kohë më parë patën deklaruar se janë pajtuar për të gjitha çështjet lidhur me programin qeverisës.

“Në fund të takimit jemi pajtuar që të takohen nesër edhe njëherë. Për detaje të takimit do t’ju lajmërojmë nesër paradite edhe njëherë. Nuk kam detaje të tjera për momentin”.