Drejtori i ARRSH, Afrim Qendro, konfirmoi se mesnatën e kësaj shtunës do të jenë dhe punimet e fundit në aksin Kashar-Vorë.
Në një deklaratë për mediat ai tha se në 16 ditë është bërë e mundur që të rikonstruktohet aksi në pjesët më problematike të tij, dukë përmirësuar kështu ndjeshëm qarkullimin.
“Jemi në fazën përfundimtare të ndërhyrjes. 16 dite punë duke shmangur fundjavën. Kjo ndërhyrje sot mbaron dhe përmirëson shtresat asfaltike dhe rrit elementët e sigurisë rrugore, nesër trafiku do të jetë normal dhe kjo rrugë do të jetë në shërbim të të gjithë qytetarëve, ndjesë për shqetësimin që ju kemi sjellë.”
Ndërhyrja në autostradë nisi dy javë më parë, ndërsa ashtu sikur kishte deklaruar, ARRSH mbylli punimet brenda afateve.
