Miliarderi amerikan, Jeff Bezos dhe ekuipazhi i “Blue Origin” janë kthyer në tokë, pas një udhëtimi 11 minutësh në hapësirë këtë të martë.
Themeluesi i Amazon shoqërohej nga vëllai i tij Mark, astronautja 82-vjeçare Ëally Funk dhe klienti i parë i kompanisë, adoleshenti holandez,Oliver Daemen.
Pasi u ul në mënyrë të sigurt në Tokë, Bezos dëgjohej teksa thoshte brenda kapsulës se ishte “dita më e bukur e jetës”.
Bezos bëhet sipërmarrësi i dytë, pas Sir Richard Branson, që realizon një mision të tillë. Udhëtimi hapësinor zgjati vetëm 11 minuta, prej momentit të nisjes, nga baza Van Horn në Teksas, e deri në zbritjen në Tokë, në perëndim të Teksasit, në mes të shkretëtirës.
