Një apartament në katin e tretë të një pallati në rrugën Transballkanike në Vlorë është përfshirë nga flakët ditën e sotme.
Tymi dhe flakët kanë alarmuar banorët, ndërsa shërbimet zjarrfikëse kanë mbërritur menjëherë në vendngjarje.
Zjarrfikësja ka ndërhyrë duke vendosur nën kontroll situatën dhe ka bërë të mundur fikjen e zjarrit, duke shmangur përhapjen e flakëve në apartamentet e tjera të pallatit.
Deri më tani nuk raportohen të dhëna për persona të lënduar, ndërsa po punohet për përcaktimin e shkaqeve të rënies së zjarrit.
