Një stallë në afërsi të ish-fushës së mbetjeve urbane të qytetit të Korçës është shkrumbuar nga flakët.
Ngjarja ka ndodhur mëngjesin e sotëm dhe nga flakët janë djegur brenda stallës 35 derra.
Daniel Frashëri, pronari i stallës thotë se në momentin e zjarrit nuk ka qenë aty por është lajmëruar nga të tjerët
Ai tha se nuk ka konflikt me persona të tjerë për shkak të biznesit që ka dy vite që e ka ngritur ndërsa pret ekspertizën për të përcaktuar shkakun e zjarrit.
Policia është duke hetuar për shkaqet e këtij zjarri ndërkohë që ka sekuestruar pamjet e një kamera që ndodhet në afërsi të stallave./vizionplus.tv
