Kryetari i Superligës Europiane, njëkohësisht president i Real Madrid, Florentino Perez, iu përgjigj menjëherë akuzave të presidentit të UEFA, Aleksandër Ceferin për krijimin e superligës europiane.
Ai tha se UEFA është kthyer në monopol dhe po e keqpërdor futbollin.
“FLORENTINO PEREZ
PRESIDENT I SUPERLIGËS EUROPIANE
Superliga do t’i shpëtojë klubet financiarisht. UEFA është një monopol dhe kjo duhet të mbarojë, futbolli është në përfundim. Duhet të veprojmë dhe duhet të veprojmë shpejt Them me siguri se 40% e të rinjve nuk janë të interesuar në futboll sepse ndeshjet janë me kualitet të ulët. Ne duhet të përshtatemi dhe futbolli duhet të evolojë. Superliga nuk është një ligë e mbyllur, çdo vit pesë ekipe mund të hyjnë aty.”
Perez përgënjeshtroi lajmin se futbollistët që do të marrin pjesë në superligë do të hiqen nga kombëtarja, ndërsa theksoi se me klubet franceze dhe gjermane ende nuk ka biseduar.
“FLORENTINO PEREZ
Lojtarët që do të luajnë në Superligë nuk do të hiqen nga kombëtaret. UEFA ka zyrtarizuar një format të mirë të Champions League me 24 skuadra për në vitin 2024. Por, në vitin 2024 ne do të kishim vdekur si klube.PSG nuk është ftuar dhe me klubet gjermane nuk kemi folur. Tani jemi 12 klube dhe duam të bëhemi 15. Superliga nuk do të anulohet.Skuadra si Roma dhe Napoli do të kenë mundësi të bashkohen në një vit apo në një tjetër.”
Sipas Perez, 12 klubet e konfirmuara e kanë nënshkruar kontratën dhe nuk mund të largohen, ndërsa konfirmoi lajmin se në rast të një suksesi mund të ketë dhe një kategori të dytë të Superligës. Pas kësaj, protesta të ashpra u krijuan në sheshet e stadiumit, ku tifozët e Liverpool me pankarta në duar kërkonim anulimin e këtij turneu .
”Thuaj jo Superligës Europiane” ishin thirrjet e tyre ndërsa, nuk munguan dhe bluzat e djegura të fanellës së kuqe në shenjë revolte ndaj klubit.
