Rastet e fundit të abuzimit dhe dhunës ndaj vajzave dhe grave kanë nxjerrë në sheshin qëndror përpara bashkisë së Beratit në një marshim dhjetëra gra,vajza e gjimnazistë.

 

Ata kanë dalë në një marshim të heshtur përgjatë Pedonales së qytetit për të kundërshtuar fenomenin e dhunës ndaj vajzave dhe grave si dhe mosveprimin shtetëror kundrejt këtij fenomeni.Me pankarta në duar,ku shkruhej: “Stop abuzimit seksual”, “Unë të besoj”, “Mësoje..Jo do të thotë Jo”, “Heshtja është krim,denonco”, “Përdhunuesit janë përbindësha,kapini”, “Ndalo së fajësuari viktimën”, “Ti duhet të flasësh,edhe kur zëri të dridhet” etj, gratë e vajzat e filluan marshimin përpara bashkisë së Beratit dhe vijuan më pas në Pedonale.

 

Në marshim kanë marrë edhe djem gjimnazistë,që i janë bashkuar kauzës së grave e vajzave kundër dhunës dhe abuzimeve.

 

Organizatorja e marshimit,Arjana Bardhi ka deklaruar se,ky është një marshim simbolik për dhunën ndaj grave dhe abuzimit seksual ndaj fëmijëve.

 

Sipas Bardhit,mesazhi i këtij marshimi të heshtur është “askush nuk duhet të heshtë por duhet të flasë”.

 

Marshimi mori shkak nga ngjarja e pak diteve me pare ne Mirdite ku u zbulua se pese persona kishin dhunuar dhe abuzuar seksualisht ndaj nje vajze 15 vjece.

Leave a Reply

Your email address will not be published.