Kreu i qeverisë, Edi Rama gjatë Asamblesë Kombëtare të Partisë Socialiste ka zbardhur emrat e ekipit të ri me të cilin do të qeverisë vendin deri në vitin 2029.
Rama: Ndërtimi i skuadrës së re ishte sprova ime e parë. Ja pse ndryshe nga herët e tjera paraqitjen e qeverisë së re do ta bëj tani, herë pas here me disa shpjegime rrugës.
–Zëvendëskryeministër konfirmoj Belinda Ballukun. Do të drejtojë të njëjtën ministri, Infrastrukturën dhe Energjinë, e cila nuk do të ndryshojë si ministri.
–Drejtimin e Punëve të Brendshme do t’ia besoj për herë të parë një gruaje. Sipas meje ka një arsye të fortë për ta bërë këtë zgjedhje. Unë mendoj se një ndryshim domethënës i profilit të ministrisë së Brendshme është një pikënisje e logjikshme. Në drejtimin e ministrisë së Brendshme do të vijë Albana Koçiu.
–Ministria për Evropën dhe Punët e Jashtme i besohet Elisa Spiropalit.
–Petrit Malaj rikonfirmohet në krye të ministrisë së Financave
–Konfirmohet në detyrë edhe Blendi Gonxhe, por jo me të njëjtin portofol. Ndahet mjedisi më vete. Kam besim, Blendi do jetë ministri i duhur në këtë fazë. Gonxhja do të marrë drejtimin e ministrisë së Kulturës, Turizmit dhe Sportit. Ministrisë së Kulturës dhe Turizmit do t’i bashkohet dhe Sporti.
-Edhe minsitrinë e Mjedisit do ta drejtojë një burrë. Sofjan Jaupaj është negociatori i Shqipërisë për kapitullin që lidhet me mjedisin.
-Mirela Kumbaro do ta lërë stafetën e turizmit pas një pune me mund dhe pasion. Kumbaro do të jetë drejtuesja e re e minsitrisë së Arsimit./vizionplus.tv
