Për herë të parë në Mbretërinë e Bashkuar, të hënën një çift homoseksualësh dhuroi gjak. Çifti Oscar dhe Xavier thanë se ndihen krenarë për këtë gjë që po bënin.
Në këtë mënyrë, hynë në fuqi rregullat e reja në Angli, Skoci dhe Uells që u lejon të gjithë atyre që kanë pasur të njëjtin partner seksual për tre muaj ose më shumë, të dhurojnë gjak.
Më parë, ishte e ndaluar që një mashkull që kishte patur marrëdhënie seksuale me një burrë tjetër në tre muajt e fundit, të jepte gjak.
Të gjithë donatorët pyeten në lidhje me sjelljet e tyre seksuale, pavarësisht nga gjinia dhe seksualiteti i tyre. Ndryshimet pritet të hyjnë në fuqi në Irlandën e Veriut në shtator.
