Departamenti Amerikan i Mbrojtjes planifikon të dërgojë disa dhjetëra trupa në Lindjen e Mesme për të qenë gati për të evakuuar qytetarët amerikanë nga rajoni në rast të një konflikti midis Izraelit dhe lëvizjes shiite Hezbollah, siç raportohet nga rrjeti televiziv NBC duke cituar tre zyrtarë të Pentagonit.
Trupat, të cilët do të dërgohen në rajon në ditët në vijim, do të jenë në “gadishmëri” dhe misioni i tyre do të jetë të ndihmojnë në largimin e amerikanëve në rast lufte. Aktualisht, rreth 40,000 trupa amerikane janë tashmë në Lindjen e Mesme, sipas rrjetit amerikan.
Lexo edhe :
Related Posts
Zyrtarët e administratës Biden janë të shqetësuar për mungesën informimit të planeve të shtetit hebre për veprime të mëtejshme kundër Hezbollahut. Izraeli nuk ndan informacion të detajuar në lidhje me operacionet e tij me Shtetet e Bashkuara, theksojnë zyrtarët, duke thënë se e njëjta gjë vlen edhe për sulmet në Gaza.
Zëdhënësi i Pentagonit Patrick Ryder tha se Shtetet e Bashkuara po lëviznin trupa shtesë në Lindjen e Mesme për shkak të tensioneve në rritje në rajon, pa specifikuar një numër.
Dje, 23 shtator, ishte dita më e përgjakshme në Liban që nga viti 2006, me pothuajse 500 njerëz të vrarë dhe mbi 1600 të plagosur në sulmet e forcave të armatosura izraelite./vizionplus.tv
