Mbrojtësi Andi Lila kërkon ndjese publike për videon ku tallej me besimet fetare sidomos me priftërinjtë. Nëpërmjet një statusi te shkruar në gjuhen angleze ne rrjetin social Facebook, mbrojtësi i kombëtares dukej qartazi i penduar për te gjithë rrëmujën qe ai krijoi ne opinionin futbollistik shqiptar dhe atë grek pak dite me pare.
“I kërkoj falje të gjithë atyre qe u preken nga video, sidomos priftit te Janinës. Te gjitha komentet e mija ne video ishin pa vend dhe ekstremist te ndjeshme. Sjellja ime ne atë video ishte ekstremiste jo etike e pamatur dhe mungonte respekti ndaj klubit tim. Që nga dita e parë me kane mirëpritur ne Greqi, ndaj këtij vendi dhe njerëzve kam vetëm respekt.
Gruaja e djali im e konsiderojnë Greqinë si shtëpinë e tyre dhe jam i prekur qe kam ofenduar njerëz. Shpresoj qe e gjithë kjo rrëmuje qe krijova te hidhet sa me shpejt pas krahëve, mezi pres te kthehem ne Greqi pas pushimit te ndeshjeve te kombëtares, shkruante ne Facebook, futbollisti kavajas.
Ne videon e xhiruar ne hotelin e grumbullimit te kombëtares nga imami Ahmed Kalaja i cili e shpërndau edhe ne rrjetet sociale, Andi Lila ironizonte priftërinjtë qe kryenin rituale fetare para ndeshjeve te klubit te tij Pass Janina ne Greqi. Ndjese publike dhe sqarim mbi videon beri edhe imami i njohur Ahmed Kalaja.
