Një grup të rinjsh, pjesë e programit “Lead Albania 2019” morën pjesë në aksionin e mbjelljeve të pemëve në tiranë, duke iu shtuar Parkut të Liqenit 29 fidanë të rinj.
Por kryebashkiaku Veliaj përshëndeti në veçanti angazhimin e tyre për nisma të tilla.
“Sa bukur që stina jonë e mbjelljeve shkon me një metaforë shumë të bukur të një mbjellje tjetër që ka ndodhur në Shqipëri, falë Fondacionit Shqiptaro-Amerikan, që ka të bëjë me një fidanishte djemsh dhe vajzash super të talentuar të cilët kanë punuar në administratën shqiptare. Unë besoj se fidanishtja e vërtetë nuk janë pemët tona për statistikën e vitit, por janë djemtë dhe vajzat që janë mbjellë nga fondacioni në secilën ministri, bashki apo institucion.’
Të rinjtë e programit LEAD kanë qenë edhe pjesë e reformave të tjera të rëndësishme.
“Kam qenë i bekuar që me këta ‘fidanë’ të sponsorizuar nga AADF-ja, djem dhe vajza të shkëlqyer, punova në ministri ku bëmë disa reforma shumë të rëndësishme, si reforma e pensioneve, reforma e tregut të punës, reforma e zyrave të punës, reforma e hapjes së dosjeve, reforma e ndihmës ekonomike”
Bashkia e Tiranës synon ta kthejë në traditë angazhimin e të rinjve në gjelbërimin e kryeqytetit.
