Pedagogët: Kaos në universitete
As marrja e pagës se janarit e as ndjesa e ministres se arsimit Lindita Nikolla nuk i ka qetësuar pedagoget e Universitetit te Tiranës.
Problemi thonë ata, është me i madh se kaq.
Stafet akademike te universitetit te Tiranës pretendojnë se ky institucion si kurrë me pare është i bllokuar per shkak te ligjit te arsimit te larte. Bordi i administrimit te universitetit ka dështuar, theksojnë pedagoge te universitetit, ndaj sot fakultetet e Tiranës janë pa financime.
Pedagoge, drejtues departamentesh e fakultetesh kërkojnë ndërhyrjen e menjëhershme te kryeministrit Rama. Permes nje deklarate te hartuar prej tyre, stafet akademike kërkojnë ndryshimin e ligjit te arsimit te larte, shkarkimin e menjëhershëm te anëtareve te bordit dhe negociata me kryeministrin.
Nese nuk plotësohen kërkesat, stafet akademike paralajmërojnë lëvizje radikale, greve ne universitete.
Por Ministria e Arsimit ne njoftimin e saj zyrtar nuk le te hapur mundësinë per bisedime dhe dialog, ndërsa njofton se pagat e pedagogeve janë ne llogarinë e tyre ketë te hëne.
Ligji i ri i arsimit te larte vijon te kontestohet nga stafet akademike. Krijimi i bordeve te administrimit te financave, ne përbërje me shumice nga pushteti qendror sipas pedagogeve cenon autonominë financiare te këtyre institucioneve.
