PD zbardh shkresën e Nikollës: Tejkaloi kompetencat, përjashtimi vlen vetëm për komisionet dhe seancat parlamentare

Opozita akuzon kryetaren e Kuvendit, Lindita Nikolla se ka shkelur rregulloren dhe ka tejkaluar kompetencat. Referuar shkresës së Kryetares së Kuvendit drejtuar Gardës demokratët pretendojnë se përjashtimi i tyre vlen vetëm për komisionet dhe seancat parlamentare.

Deputetët demokratë kërkuan që të futen në ambientet e Kryesisë së Kuvendit me argumentin se duan të zhvillojnë një mbledhje të Grupit Parlamentar. Ata nuk u lejuan nga Garda, por megjithatë kaluan kangjellat e derës për t’u ngjitur më pas nga dritarja drejt ambienteve të brendshme.