Partia Demokratike ka akuzuar kreun e Komisionit per reformën ne drejtësi Fatmir Xhafaj se tentoi qe nëpërmjet reformës, te kapte sistemin e drejtësisë. Per te argumentuar ketë, partia me e madhe e opozitës ka sjelle ne vëmendje te kaluarën kriminale te vëllait te socialistit Xhafaj. “Lajmi se Venezuela ka sjellë në Shqipëri një kërkesë ekstradimi për vëllain e Xhafës në lidhje me trafikun ndërkombëtar të drogës, zbulon nevojën e tij për të qenë në krye të reformës e për të kapur me çdo kusht drejtësinë.” Thekson ne deklaratën e saj Partia Demokratike. Sipas PD, nëse do te funksiononte skema Xhafaj-Rama, me kunatin Berberi e vasalin Dvorani trafikanti ndërkombëtar që e ka vëllain kryetar të reformës në drejtësi do të shpëtonte. Por menjëherë ka reaguar Policia e Shtetit, e cila ka sqaruar se nuk ka asnjë urdhër kërkimi apo urdhër arresti për vëllain e socialistit Fatmir Xhafaj. Sipas policisë, në sistemin e kërkimit të Interpolit nuk figuron asnjë material, kërkesë për informacion, verifikim apo urdhër arresti nga asnjë zyrë homologe për shtetasin Agron Xhafaj.
