Në kulmin e tensionit politik, kur opozita prej tre javësh ka ngritur çadrën në bulevard, komuniteti i biznesit bën thirrje për stabilitet politik.
Sipërmarrësit i kërkojnë te dyja palëve që të angazhohen për të dialoguar me qëllim rikthimin e opozitës në kuvend.
Kjo kërkesë e biznesit u bë gjatë një takimi me kreun e Partisë Demokratike Lulzim Basha.
Biznesi e vuri theksin tek ajo qe ata e quajnë veting ne ekonomi. Pas politikes, pastrimit duhet t’i nënshtrohen edhe ato dege qe përfaqësohen nga paratë e krimit.
Por lideri demokrat evidentoi se sikundër ekonomia vuan nga konkurrenca dhe monopolizimi, situata është e njëjtë edhe në politikë.
Më tej Basha u ndal tek sektorë të veçantë të ekonomisë që sot vuajnë nga mungesa e vizionit qeveritar, korrupsioni si dhe nga krimi. Sipas tij platforma e Partisë Demokratike ka analizuar çdo element ekonomik dhe ofron zgjidhjen e duhur për çdo sektor.