Pothuajse 6 muaj pas zgjedhjeve parlamentare të 25 prillit, Monika Kryemadhi ka thyer heshtjen, duke shprehur qendrimin e saj për zhvillimet brenda opozitës. Gjatë një interviste për Zërin e Amerikës, ajo iu përgjigj edhe akuzës më të fundit të Lulzim Bashës, i cili tha se Rama, Berisha dhe Meta përbëjnë “trekëndëshin e Bermudës”.
“Për mua nuk është asgjë e re nga fronti i lindjes.”
Pas kësaj përgjigjeje, që e vendos Bashën në frontin e kundërt me perëndimin, Kryemadhi sulmoi edhe sjelljen e Partisë Demokratike në Parlament, duke lënë të kuptohet se opozita po mbështet qeverinë.
“Nuk kanë rëndësi marrëdhëniet PD dhe LSI. Mjafton të shikojmë tangon që po ndodh tani në Parlament, ku mazhoranca edhe opozita po rrisin borxhin.”
Zonja Kryemadhi sqaroi më tej se LSI u dëmtua në zgjedhje nga sistemi i ri zgjedhor dhe vjedhja e votave. Ajo e quajti gabim djegien e mandateve, ndërsa mirëpriti rikthimin e presidentit Meta në jetën aktive politike.
“Djegia e mandatit atëherë solli kontrollin e plotë nga mazhoranca, një situatë që cenoi demokracinë, është një gabim që nuk duhet të kishte ndodhur. Edhe une do të them që dhe të kemi përgjegjësi që mos t’i japim të hanë. LSI mirëpret çdo njeri që do të kthehet edhe do te forcojë demokracinë për të gjithë qytetarët shqiptarë.
Kryetarja e LSI vuri në dukje se aktualisht partitë dhe gjithë vendi po përballen me nevojën e madhe të forcimit të demokracisë.
