Qëndrimi i KQZ mbi akuzat e PD se zgjedhjet në Vaun e Dejës ishin të pavlefshme për shkak se fletet e votimit nuk ishin të rregullta, ka bërë që selia blu të dalë në një tjetër reagim.
Sekretari i çeshjeve zgjedhore Ivi Kaso e quajti qesharake deklaratën e KQZ se fletet e reja të votimit ( pas atyre që u dogjën nga sulmi në KZAZ) kishin ardhur në orët e para të mëngjesit.
Ivi Kaso pohoi se fletet e votimit të prodhuara në Slloveni nuk kanë ardhur në orën 01:58 në Doganën e Hanit të Hotit sic pretendon KQZ në dokumentin e publikuar.
Sipas PD-së fletet janë future në këtë pikë kufitare me makinë në orën 8 të mëngjesit të datës 30 qershor, ndërsa votimi në Vaun e Dejës ishte deklaruar i hapur një orë më parë, në orën 7.
Ashtu sic kishte bërë KQZ me paraqitjen e dokumenteve nga autoritetet doganore për orën kur ka hyrë makina me materialet zgjedhore në Hanin e Hotit, edhe PD ka bërë të njëjtën gjë duke treguar për mediar dokumenta që I mëshojnë këtij fakti,
Pretendimi i doganave dhe Komisionit Qendror të Vjedhjeve, 3 ditë pas denoncimti të skandalit, se sistemi doganor ditën e mbërritjes së fletëve të votimit për Vaun e Dejës, nuk ka funksionuar, është një alibi qesharake dhe mjerane. Dokumenti zyrtar doganor provon se fletët e votimit kanë qenë akoma në doganë në orën 8 të mëngjesit të datës 30 Qershor, ndërsa votimi në Vaun e Dejës ishte deklaruar i hapur një orë më parë, në orën 7 të mëngjesit. Alibia qesharake e KQZ-së se natën e ardhjes së fletëve të votimit nuk ka punuar sistemi doganor, rrëzohet nga dokumenti zyrtar i dalë nga vetë sistemi i doganave, ku shkruhet se fletët e votimit në orën 8 të mëngjesit ishin akoma në doganë. Çdo letër tjetër, e prodhuar me dorë për llogari të propagandës së Edi Ramës, 3 ditë pas denoncimit të skandalit, vetëm sa e thellon skandalin. Ajo provon se në këto votime, Komisioni Qendror i Vjedhjeve ka vepruar si organizatë kriminale. Gënjeshtra e KQZ-së del akoma më zbuluar, kur thotë se fletët e votimit janë porositur në 27 Qershor dhe janë prodhuar paraditen e 28 Qershorit. Në këtë rast 4 anëtarët e KQZ-së duhet të pranojnë se ose janë duke mashtruar, ose kanë shpërdoruar në mënyrë flagrante detyrën.
