Partia Demokratike ka vijuar akuzat ndaj qeverisë dhe ministrisë së Mbrojtjes për tenderin e ushqimeve. Basha tha se heshtja e Ramës dhe Olta Xhackës nuk mbulon dot të vërtetën e hidhur të vjedhjes edhe në ditë të vështira për shqiptarët.
Sipas selisë blu ka disa fakte konkrete që tregojne vjedhjen me tenderin e ushqimeve nga Ministria e Mbrojtjes.
- Kompania shtoi tregtimin e ushqimeve si aktivitet të saj 6 ditë para hapjes se tenderit.
- Ministria e Mbrojtjes përzgjodhi si fituese kompaninë pa asnjë aktivitet tregtar.
- Kompania e përzgjedhur nga Olta Xhaçka është kompani kompjuterash.
- Tenderi u zhvillua pa garë, pa transparencë, me vetëm një ofertë.
- Tenderi u zhvillua me 3 javë vonesë, pas shpërthimit të krizës, në mënyrë që kompania e paracaktuar nga Edi Rama dhe Olta Xhacka të rregullonte letrat.
Basha kërkon nga Prokuroria që të mos bëhet vegël e qeverisë dhe sipas liderit të opozitës kyy rast duhet të hetohet menjëherë nga SPAK.