PD: Shumica me draft të njëanshëm

Opozita ka shfrytëzuar takimin me drejtoreshën per Europen Juglindore ne shërbimin e jashtëm europian Angelina Eichorst, per te diskutuar vizionin e Partisë Demokratike per reformën ne drejtësi. Gjate bisedës, nënkryetari i grupit te demokrateve Eduard Halimi, ka theksuar se opozita mbështet realizimin e reformës, duke akuzuar mazhorancen se po përjashton çdo mundësi per bashkëpunim me PD.
Sipas Halimit, ekziston nje rrezik real për kapjen politike të sistemit të drejtësisë nëpërmjet amendamenteve kushtetuese të propozuara nga mazhoranca. Nga ana e saj, zyrtarja e bashkimit europian, theksoi se palët duhet të bashkëpunojnë në mënyrë të sinqertë në realizimin e këtij procesi, sipas të njëjtin model te aplikuar gjate procesit të miratimit te akteve ligjore dhe kushtetuese për dekriminalizimin.