PD: Referendum për ndërtimin në Park

Qytetarët duhet të vendosin për ndërtimet që kanë nisur në zonat e gjelbra të kryeqytetit. Kjo është kërkesa e Partisë Demokratike për tre nga projektet e fundit të ndërmarra nga Bashkia e Tiranës, pas kundërshtive që shoqëruan punimet për Parkun e Lojërave tek Liqeni Artificial. Kryetari i Departamentit për Mjedisin në PD, Jamarbër Malltezi, tha se në KQZ janë dorëzuar tre kërkesa për referendum. Grupi nismëtar për zhvillimin e këtyre referendumeve, kërkon që të ndalohen këto ndërtime, pasi për to nuk janë pyetur banorët e Tiranës.