PD: Rama sundon si oligark

Opozita ka reaguar pas prishjes se stadiumit “Qemal Stafa”, duke thënë se objekti i ri është nje afere korruptive e Edi Rames. Sipas PD, kryeministri ka ikur ne France, ndërkohe qe shqiptaret duhet te paguajnë, per te pare ndeshjet e kombëtares.
Në pak ditë, Edi Rama ka shfaqur tre tipare të sundimit prej oligarku.
Nisi aferën e kullës dhe qendrës tregtare në mes të Tiranës, duke prishur në mënyrë të paligjshme ansamblin në fasadën e Qemal Stafës, pjesë e trashëgimisë kulturore.
Lë pas rrënojat mbi të cilat do të ngrihet një prej bizneseve më fitimprurëse në Tiranë, ku ai me klientin e tij bëhen pronarë të përjetshëm të 70 mijë metrave katrorë, dhe ikën për vete në Francë bashkë me ministra e deputetë për të ndjekur kombëtaren.
Ndërkohë si asnjëherë tjetër, shqiptarët nuk mund ta përcjellin kombëtaren e tyre nga ekrani i Televizionit Publik, ose siç njihet ndryshe nga mbarë qytetarët, OLSI TV, por duhet të paguajnë për të parë ndeshjet e skuadrës së zemrës.
Nuk gjen dot një republikë sahariane ku sunduesit të kryejnë në pak ditë akte të tilla korruptive dhe kundër qytetarëve të tyre.