Krerët e grupeve parlamentare zhvilluan këtë të hënë një takim me delegacionin e Komisionit të Venecias në lidhje me propozimin e opozitës për vettingun në politikë.

 

Pas takimit të zhvilluar, në ambientet e Kryesisë së Kuvendit, krerët e grupeve dhanë detaje nga diskutimet.

 

Në një deklaratë për mediat, kreu i grupit të PD, Edmond Spaho deklaroi se ai kishte parashtruar para Komisionit të Vencias qëndrimin e demokratëve.

 

Spaho tha se shpjegoi me fakte para delegacionit se në Shqipëri asnjë reformë nuk do të ketë sukses nëse nuk do të shkëputen lidhjet e politikës me krimin.

 

“Ne parashtruam qëndrimin e PD-së i cili në thelb është se nuk duhet të ketë dy standarde, por standardi që zbatohet për prokurorët dhe gjyqtarët duhet të aplikohet për politikanët, kur flasim për lidhje me botën e krimit të organizuar. Shpjeguam me fakte se asnjë reformë në Shqipëri nuk do të ketë sukses nëse nuk do të shkëputen lidhjet e politikës me krimin e organizuar.”

 

Ndërsa sipas Ulsi Manjës, i cili zëvendësoi në takim kreun e grupit të PS, Taulant Ballën, takimi ishte informues dhe frytëdhënës.

 

Manja gjatë deklaratës për mediat nuk nguroi që të thumbonte dhe qëndrimin e opozitës në lidhje me dhënien e mendimit të Komisionit të Venecias.

 

“Në këndvështrimin tonë takimi me delegacionin ishte shumë i frytshëm. Ishte një takim informues dhe sqarues me pyetje dhe përgjigje nga të dyja palët. Ne besojmë shumë në kompetencën de autoritetin e Komisionit të Venecias lidhur me opinionet e tyre lidhur me ndryshimet kushtetuese. Shpjegimet dhe mendimet tona do t’ua dorëzojmë edhe me shkrim edhe pse në materialin që kemi dërguar në Venecia nga Kuvendi ne i kemi dërguar disa pyetje. Por gjithësesi ne mirëpresim opinionin  e Venecias si tabanin e demokracisë.  Ndërsa pak më parë pashë që pati një prononcim edhe nga opozita, që u shprehën se takimi me komicionin e Venecias ishte rezultativ. Por në fakt nuk di kujt ti besoj, asaj që tha Spaho sot apo asaj që tha Basha dje në Berat. Se dje tha: Unë nuk e di pse vjen Komisioni i Venecias sepse ne nuk i kemi ftuar. Ndërsa sot zoti Spaho dhe delegacioni i opozitës e konsideruan takimin frytdhënës dhe vlerësojnë ndihmën e Komisionit të Venecias.”

 

Por nga ana tjetër për kreun e grupit parlamentar, projekti duhet të votohet në Parlament pasi fjalët e shumta për vettingun në politikë janë pa kuptim.

 

Sipas Vasilit, Rilindja është kundër vetingut në politikë ndërsa qëndrimi opozitës është i qartë.

Leave a Reply

Your email address will not be published. Required fields are marked *