Simpatizantët dhe mbështetësit e Partisë Demokratike të qytetit të Elbasanit protestuan këtë të dielë duke kërkuar largimin e kryeministrit Edi Rama.
Protestuesit u mblodhën fillimisht tek parku Rinia dhe më pas marshuan drejt bulevardit kryesor të qytetit duke u bërë thirrje të gjithë banorëve që të bashkohen në protestën e 16 shkurtit në Tiranë.
Ata bënë thirrje se qytetarët duhet të reagojnë pasi programi i lançuar nga PD është e vetmja alterantivë për të rikthyer shpresën dhe mundësinë e punësimit në vend.
Në përfundim të protestës, qytetarët e Elbasanit bënë thirrje për bashkim për të ndalur rrënimin e qytetit të tyre nga krimi i organizuar që po i merr të ardhmen qytetit të tyre.
