Hetimi parlamentar i çështjes se serverit te tatimeve është përplasja me e fundit mes mazhorances dhe opozitës. Partia Demokratike paralajmëron bllokim te seancës se ardhshme plenare nëse, nuk zgjatet afati i komisionit hetimor. Ne nje leter drejtuar kryeparlamentarit Meta, nënkryetari i demokrateve Edi Paloka thotë se “Opozita nuk do të lejojë që në seancën e datës 11 shkurt, të diskutohet asnjë çështje tjetër, pa u miratuar më parë me konsensus zgjatja e afatit të veprimtarisë së komisionit hetimor”. Historia e ketij komisioni i ka fillesat qe ne vitin 2013. Opozita ngriti akuzën se ne server ishte ndërhyrë ne mënyrë te paligjshme dhe kërkoi hetimin e çështjes. Kërkesa u hodh poshte nga mazhoranca dhe PD iu drejtua Gjykatës Kushtetuese, e cila i dha te drejte opozitës. Ne vitin 2014, mazhoranca votoi ngritjen e komisionit, i cili nisi punen ne fillim te vitit 2015. Por edhe pse funksionoi per nje vit te tere komisioni ka arritur te beje vetem nje seance dëgjimore e asgjë me shume e tani demokratet kërkojnë qe afati i tij te shtyhet serish.

Leave a Reply

Your email address will not be published. Required fields are marked *