Partia Demokratike vijon akuzat ndaj qeverisë për keqmenaxhim të situatës së shkaktuar nga pandemia. Ish-deputetja Orjola Pampuri denoncon se spitalet nuk kanë kapacitete për të sëmurët me koronavirus për shkak të indiferencës së qeverisë përballë kësaj gjendje.

Ajo ka postuar edhe një video, ku tregohen ambientet nga COVID 3 të publikuara nga Rama, ndërsa nga ana tjetër shfaqen pacientët që trajtohen në autoambulanca.

“Qeveria nuk ka marrë asnjë masë serioze për të përballuar pandeminë, prandaj sot të sëmurët qendrojnë për orë të tëra në ambulancë përpara se të gjemdet një shtrat tek infektivi. Pavarësisht propagandës qeveritare, spitalet nuk kanë vende për të sëmurët me COVID. Nuk është çështje procedurash. Nuk ka qenë kurrë e tillë. Nëse do të ishte për burokraci, do të kishte qenë e tillë që nga fillimi. Fatkeqësisht, kemi një qeveri që e shkëmben një jetë me një video propagande. ”, shkruan Pampuri.

Leave a Reply

Your email address will not be published. Required fields are marked *